A Deputación da Coruña respalda aos concellos do Camiño Inglés
Os deputados provinciais Xosé Regueira e Antonio Leira, reuníronse na Deputación da Coruña co alcalde de Oroso e presidente da Asociación de Concellos do Camiño de Santiago, Manuel Mirás. Nesta primeira toma de contacto entre os responsables das áreas de Turismo e Economía da institución provincial e a recén creada entidade, que agrupa a 14 dos 18 concellos polos que discorre o Camiño Inglés, acordouse que a asociación canlizará as propostas e ideas dos distintos municipios polos que discorre o itinerario para facerllas chegar á area de Turismo da Deputación, que comprometeu manter o apoio que vén prestando á promoción do Camiño.
A idea é dar aos concellos deste itinerario xacobeo o protagonismo na promoción desta ruta, que conecta os portos de Ferrol e A Coruña co corazón de Compostela. Así se fixo tamén no ciclo de activididades Primavera no Camiño Inglés, que por primeira vez reuiniu en Betanzos o pasado mes de abril aos dezoito municipios.
Dende a área de Turismo da Deputación informouse tamén á Asociación de que a institución provincial promocionará o Camiño Inglés na feira Fairway que se celebrará este outono en Compostela e noutras feiras turísticas nas que a institución provincial participa ao longo do ano.
Pola súa banda, a Asociación de Concellos do Camiño Inglés ofreceu á Deputación participar nas asembleas e reunións da entidade, con voz pero sen voto. Unha proposta que a entidade planea facer chegar tamén á Xunta de Galicia, co obxecto de implicar a ambas administracións na planificación e desenvolvemento de accións que contribúan a impulsar este itinerario. O deputado de Economía, Antonio Leira, representará á Deputación da Coruña nas reunións da entidade.
21:44
Sería ben que esta Asociación de Concellos do Camiño Inglés, ademais do protagonismo na «promoción», (turística), tivera tamén protagonismo na defensa, limpeza e mantemento do camiño.
E tamén en coidar da súa integridade, porque ó paso que vamos, quedaranse coa promoción e sen camiño…….
21:46
….e se queren unha mostra, que vallan ao Polígono de Vilar do Colo, no concello de Fene……